基本介绍

依夫城堡（Château d'If）是法国马赛弗留利群岛上一座16世纪军事堡垒，建于1516年弗朗索瓦一世统治时期，用以强化马赛港的防御。城堡于1531年竣工，曾抵御1524年神圣罗马帝国军队进攻，其军事存在引发马赛市民不满，被视为王室控制地方权力的象征。

16世纪中期起，城堡逐渐转为监狱，首位囚犯为1580年被处决的昂瑟姆骑士。此后关押大量反皇室人士、新教徒及政治犯，包括米拉波伯爵和传播鼠疫的“大圣安托万号”船长。19世纪关押巴黎公社成员及共和主义者，1871年克莱米友在此遭处决。城堡因大仲马小说《基督山伯爵》中虚构主角囚禁地而闻名。

景点景观

城堡建设

1516年辰光，法国国王弗朗斯伐一世（François I）勒勒玛里娘战争，一直打到马赛。从依夫岛来看，伊分析着马赛根本就呒么防止外来侵略个防卫设施。葛老，伊命令勒小岛浪造一只防卫城。8年之后，西班牙国王加勒罗斯一世（法文：Charles Quint，伊也是神圣罗马帝国五世国王）一例想帮马赛吃下去。特派大臣米朗达勒(Mirandal)成功打退进攻部队，但是居说明一只问题：防卫城市进口要加强。勒同一年，也是1524年，头一批城墙开始建设，来保护港口。

马赛人弗买账，伊俚反而帮搿只城堡起坏名叫“讨厌个邻舍”(L'importune voisin)。而且派仔200个兵搭仔22门炮放勒勒岛浪。马赛人开始争论搿个城堡，对伊俚来讲，城堡是国王对马赛搿个场化拥有权个象征。

大家晓得马赛勒勒1481年前弗是法国领土，伊自家有防卫能力，居也是为啥修城堡引发好星冲突。

城堡最后建好勒勒1531年，眼眼话个艾斯巴尼亚国王Charles Quint后来仔1536年亲自咦来进攻马赛，伊勒勒城堡边头打转，朆有本事拿伊下来。

犀牛

1513年，印度古石拉王国(Guzarat)个国王送拨葡萄牙国王艾马努艾勒大帝(Emmanuel le Magnifique)一只亚洲犀牛。伊收着之后准备送拨罗马教皇莱翁十世(Leon X)。葛老开始从里斯盆(Lisbon)出发送犀牛到罗马，其中1516年经过马赛依夫岛。欧洲人从来朆看见过搿种活牲，市里向人侪去看好白相，甚至弗朗斯伐一世也跑过来看。

右面搿只图是1515年有名版画家阿尔孛莱希托杜莱尔(Albrecht Dürer)根据Valentin Ferdinand个草图勒木头浪做个版画。

犀牛勒勒岛浪养仔几个礼拜，后来坐船去罗马，但是海浪大风暴帮船打沉脱，后来仔人勒勒极挪阿（Genoa）海滩看见沉脱船个木架，海员尸体海岸浪跑跑看见一个。

基督山伯爵

依夫城堡真正有名勒勒一本书浪：阿莱克桑特·具马(Alexandre Dumas)个基督山伯爵。里向主人公艾特蒙·堂戴斯(Edmond Dantès)拨关勒勒依夫城堡。